9/10/2024 100Tolos acada 7 medallas no I TGR M11, M13 e M17
Esta fin de semana, os tiradores de 100Tololos acadaron un total de 7 medallas nas 3 competicións celebradas, correspondentes ós torneos de ránking galego das categorías M11 e M13 mixta, e M17.
En M13 mixta acadáronse 3 medallas, sendo gañador Roberto Cudeiro, e con dous terceiros postos para Lucía Antivero e Roberto Cancio-Donlebung. Nesta categoría participaron tamén os tiradores Lía Rodríguez, Nicolás Santiso, Zoe Méndez, Pablo Mariño e Lucas Prieto.
En categoría M11 mixta, Manuel Lorenzo acadou on terceiro posto. Nesta categoría tamén participaron os tiradores de 100Tolos Sofía Maite Míguez, Anna Karolina Rivas e Mía Anido.
En categoría M17 masculina, o campión da competición foi Gabriel Orro, nunha gran final ante Pablo Vázquez, ambos tiradores seleccionados pola Real Federación Española de Esgrima para participar no vindeiro torneo do Circuito Europeo de Cadetes que se disputará en Grenoble. O terceiro posto foi para Lois Longueira. 100Tolos estivo tamén representado polos tiradores Telmo Miraz, Antón Franco, Ángel Rivas e Tomás Núñez.
En categoría M17 feminina, Vera Pereiro acadou un segundo posto fronte a Natalia Diez, gañadora da competición no que se está a converter nun asalto clásico na esgrima feminina galega. Vera Pereiro tamén representará de novo a España no Circuito de Cadetes de Grenoble. Nesta categoría tamén representou a 100Tolos a tiradora Laura Mora.
Podedes consultar todos os datos da competición no enlace de Engarde-Service.
https://engarde-service.com/to...