A Real Federación Española de Esgrima é a responsable da organización das seguintes competicións nacionais:

• Criterium Nacional. Para categorías previas a M15, podemos velo como un campionato de España para os máis pequenos.
• Torneo Nacional de Ranking. 3 probas anuais que puntúna para a clasificación do ranking de cada categoría.
• Campionato de España. Competción que outorga o título de campión de España.
• Liga Master. Torneo de ranking para veteranos. A categoría de veteranos conta con varias subcategorías organizadas por rangos de idade.

Tamén, a nivel de equipos, organízanse as competicións:

• Liga Nacional de Clubes. Campionato por equipos masculino, en forma de liga.
• Liga Iberdorla. Campionato por equipos feminido, en forma de liga.

Criterium Nacional

Competición para rapazas e rapaces de até 13 anos (até categoría M13). Trátase dunha versión do Campionato de España na que os tiradores compiten en categorías organizadas por ano de nacemento.

Torneo Nacional de Ranking (TNR)

3 competicións anuais nas que participan tiradores de clubes de toda España. Os dous mellores resultados son os que puntúan para a clasificación do ránking individual da tempada, pero a posición de ranking obtense cunha fórmula na que computan:

• 2 mellores resultados do ano en TNRs da categoría de idade.
• 2 mellores resultados do ano en TNRs de categoría superior.
• Resultado no campionato de España.
• Puntuación no ranking do ano anterior.

A posición final do ránking é importante xa que a partires de M17 só é posible competir no campionato de España mediante clasificación por posición no ranking (en M15 non é preciso). Esta posición tamén é a que determina os seleccionados por España para participar en competicións internacionais.

Campionato de España

Competición específica que determina o campión e campiona nacional en cada arma e categoría de idade. Este campionato comeza a disputarse en categoría M15, na que non é preciso ter un número de ranking para participar. A partires de M17, só os primeiros 64 tiradores do ranking en cada arma e categoría poden competir.

O resultado desta proba puntúa con factor x1.5 para o resultado do ranking do ano, sendo polo tanto moi importante para un posicionamente tanto naciona, como internacional xa que é clave para poder competir nas competicións europeas en representación de España.

Liga Nacional de Clubes

Competición nacional por equipos. Existen catro divisións diferentes, Ouro, Prata, Bronce e 4ª, con participación por clubes, que poden contar cun ou máis equipos. En función dos resultados, é posible promocionar ou descender entre divisións, sendo a Ouro a máxima división nacional.