Breve guía de federacións e competicións

Se estás comezando, ou especialmente se es nai/pai de tiradores, pode resultar difícil ter unha visión da estrutura de federacións e competicións, e especialmente da puntuación en ránkings, categorías, e selectividade para diferentes competicións como parte da Selección Galega ou Española. Imos tentar dar unhas pinceladas que axuden a situarnos.

A nivel federativo, as federacions van dende a rexional até a internacional, contando con:

• Federación Galega de Esgrima. (FGE)
• Real Federación Española de Esgrima. (RFEE)
• European Fencing Confederation. (EFC)
• Internation Fencing Federation. (FIE)

En canto a competicións, en cada nivel competitivo veremos que a nivel xeral contamos con probas de ránking e con probas de campionato (galego, español, europeo ou mundial). En función da federación e da categoría estas probas teñen diferentes criterios organizativos e de participación. Tamén de xeito xeral, a participación en eventos internacionais vai depender dos resultados obtidos ben a nivel nacional, ben a nivel europeo, non sendo posible participar na maior parte destes eventos sen uns resultados previos que implican ser elexido pola federación correspondente. Por exemplo, para participar en campionatos europeos, é preciso estar no top de tiradores da categoría e arma correspondente.