Que é Integratlón?

É un programa deportivo con obxectivos sociais no que se desenvolven actividades de iniciacion á esgrima, triatlón, e / ou pentatlón moderno en centros de primaria e secundaria do Concello da Coruña.

Son actividades gratuitas dispoñibles para calquera centro público que o solicite, aínda que se vai dirixido principalmente ós centros con maior alumnado en situación de risco de exclusión e / ou dificultades de integración solcial.

Inicios

100Tolos realiza dende o seu nacemento actividades deportivas gratuitas en centros escolares. Por outro lado, contabamos con alumnos becados tras plantexamento de dificultades económicas por parte das familias.

Integratlón foi un paso adiante para estruturar o programa e axudar a practicar de porte a nenas e nenos que en circunstancias normais non terían iniciado unha actividade deportiva.

Neste paso foi fundamental o apoio da Fundación Emalcsa, que permitiu incrementar o número de colexios, a cantidade de sesións en todos eles, o número de alumnos becados, e a contía destas becas.

Actividade 2024/2025

• Colaboración CEIPs provincia A Coruña. Facémolo achegando os deportes da esgrima e o laser run a través da actividade lectiva da asignatura de educación física que imparten os centros. Este curso acudimos presencialmente ós CEIPs Prácticas, Manuel Murguía, Novo Mesoiro, San Francisco Javier, María Barbeito, Raquel Camacho, Rabadeira, Víctor Seoane, Curros Enríquez, Grande Obra, Menéndez Pidal, Zalaeta, San Pedro de Visma, Sagrada Familia e Torre de Hércules.
  

• Colaboración cos Servizos Sociais do Concello da Coruña. Levamos a cabo esta colaboración mediante becas para o adestramento na nosa escola deportiva, buscando con elo incorporar a máis mozas e mozos ó deporte eliminando barreiras económicas e fomentando a igualdade na práctica do deporte.
  

• Colaboración coa Asociación Galega de Axuda a Ucraína (AGA-UKRAÍNA). Esta asociación constituiuse en 2022 como unha iniciativa dos inmigrantes ucraínos para atender ás necesidades dos seus desprazados en Galicia. Este ano 12 rapazas e rapaces ucraínos participaron nos nosos campamentos e na escola deportiva de esgrima, deporte que ademáis ten unha implantación importante neste país, como vimos coa medalla de ouro en sabre por equipos nos xogos olímicos de París ou as tres medallas (1 ouro e 3 bronces) nos mundiais de Tbilisi no 2025.
  

• Colaboración con entidades para a axuda a persoas en situación de vulnerabilidade, discapacidade ou diversidade funcional. Impartimos clases de esgrima en colaboración con FEAFES Galicia (Federación de Asociacións de Familiares e Persoas con Enfermidade Mental de Galicia), Asociación Veciñal Os Nosos Lares, Fundación Camiña Social, Centro de Educación Especial María Mariño e Cruz Vermella.

• Campamentos de Inverno e Verán. Durante os períodos vacacionais de Nadal e verán, organizamos campamentos multideportivos onde a esgrima e o láser run se combinan con outras actividades deportivas e culturais, como visitas ós museos municipais ou actividades na praia.