Recepción no Concello da Coruña dos gañadores 100Tolos do Criterium Nacional de Esgrima

Este mércores 3 de xullo, o Concelleiro de Deportes da Coruña, Manuel José Vázquez Martínez, recibiu ós tres gañadores de 100Tolos no Criterium Nacional de Esgrima, competición nacional na que participan tiradores menores de 13 anos. Trátase dunha competición equivalente ó Campionato de España nestas idades.

Os nosos tiradores Lía Rodríguez (espada M11), Ángel Rivas (espada M13) e Lucila Antivero (espada M13) resultaron gañadores do Criterium nas súas respectivas idades e armas, e amosan a punta do iceberg do traballo que 100Tolos está a levar a cabo coa canteira dende idades moi novas, tanto na sala como nos colexios onde se inicia ós rapaces neste deporte.